Roger confirm

Kana kune mapfupa anomuka achisekerere zvisinachipomerwa ndeamushakabvu Dickson 'Chinx' Chingaira.

Ndofati kumhepo kwaari ikoko angongoti akatarisa mwanasikana wake anobva ati "ibvi reibvi rangu, gokora regokora rangu, ndebvu yechirebvu changu," achiyemura hake chipo chepwere yake ine mukaka pamhino.

Nyanga dzekushaura dzakasara dzakapakatwa na Atenda Antia Intia Chingaira zita racho kutoita mutinhimira asati ashaura hake.

Ichokwadi kuti paakanzi dzipakate akabva adziridza mwanasikana achindengendetsa nhefenyuro nemasai- sai hake nedzimbo dzinoti ' 'Beer', 'Cool me down', 'Ndiwe', Ndodii neimwe irikutsviriridza parizvino "Makoti"

Mwanasikana arikuratidzira kuti ibvupa rebvupa raDhikisoni chaizvo. Akatanga hake zvekudanwa achidaira achiri mudikisa chaizvo.

Anoti iye chido neshungu dzekushaura akadziwana mukuburukidza naBaba vake avo vaaiyemura chaizvo mupfungwa, mumazwi nemukuita zvikurusei pakuimba apa Roger confirm.

Takatarisa matsimba aAtenda tinoona achizonyatsobudirira nekukwenenzvera gurukuro achizokwikwidzana nevamwewo vaimbi patafura yeushauri.

Tinomushuvira zvakanana sevanhu vose vomuno muAfrica.